طريقة عمل البرجر المشوي بالبصل المكرمل بصوص الباربكيو

برجر البصل المكرمل والجبن البرجر من الاكلات اللي الاضافات المختلفة بتدي ليها كل مره طعم مختلف. 

مع ان الاساس واحد. رأيي ان البرجر يكون بسيط تتبيله واعداده. 


لكن الشغل يكون في الاضافات عشان يطلع طعم مختلف. اضافاتي النهرده بصل مكرمل وده شرايح بصل مستوية علي الهادي مع خلطه من السكر البني وصوص الباربكيو وشرائح الجبن. اتمنى انه يعجبكو وتجربوه.

اولا : البصل المكرمل :

بصلة متوسطه مقطعه شرائح رفيعه.

معلقتين زيت

معلقة سكر بني. (لو مفيش سكر بني يمكن اضافة سكر ابيض الي معلقة من العسل الاسود.)

معلقتين صوص الباربكيو.

ملح وفلفل

طريقة العمل :

علي نار هادئة يضاف البصل علي الزيت والملح والفلفل ويترك لمدة ٥ دقائق الي ان يذبل يضاف السكر البني والباربكيو لمده ٥ دقايق اخري. ويقلبو معا.

ثانيا صوص المايونيز والبابكيو:

٣ معالق كبيرة مايونيز

١ معلقة كبيرة صوص الباربكيو

طريقة العمل:

يقلبو معا الي ان يمتزجو.

ثالثا البرجر:

المقادير :

نص كيلو لحم مفروم

ملح - فلفل - باريكا

طريقة العمل :

بتبل اللحم المفروم. وبشكله اقراص زي في الصوره. بس بسيبه حوالي نص ساعه ياخد من ريحة التوابل.

في طاسه ساخنة مع رشه زيت ثم اشوي البرجر بياخد دقيقتين لكل وجه تبعا لسمك البرجر. يعني لو سميك زودي في وقت شواء البرجر شوية.. ثم لمحبي البرجر بالجبن حطي شريحة الجبن فوق البرجر عشان تسيح وده قبل اما تشيلي البرجر من النار للاكل.

للتقديم :

يدهن سطح خبر البرجر بصوص المايونيز بالباربكيو وبعدين البرجر بالجبن وبعدين طبقه البصل المكرمل.

ياريت تجربوه.

وبالهنا والشفا

#برجر_بالبصل_المكرمل
#طريقة_عمل_البرجر_بالبصل 

#برجر #برجر_لحم #برجر_المذاق_العالي #برجر #برجر_وستيك #البرجر #البرجر_الطازج #burger
#طريقة_عمل_برجر_بالبصل_المكرمل, #طريقة_عمل_بصل_البرجر, 
#طريقة_عمل_بصل_الهمبرجر